Son muller, e que? (por Paula Cambeses)

Xuño 25th, 2017

Son muller, e que? (por Puala Cambeses) from Marlou
Chuzame! A Facebook A Twitter

Maruxa Mallo e as mulleres da xeración española do 27 tamén foron esquecidadas nun mundo de homes

Novembro 10th, 2016

A Historia foi escrita polos homes. As mulleres fomos borrados desa historia masculina plural. Por iso dicía Simone de Beauvoir que o problema das mulleres sempre foi un problema de homes. A xeración dourada da intelectualidade española, na que se inclúe a pintora galega Maruxa Mallo, a xeración do 27 tamén borrou da nosa memoria a presenza das mulleres nela.

Maruja Mallo, Marga Gil-Roësset, María Zambrano, María Teresa León, Josefina de la Torre, Rosa Chacel, Ernestina de Champourcín o Concha Méndez son algunhas das representantes desta xeración da que só coñecemos popularmente os nomes dos homes: Lorca, Dalí, Cernuda, Juan Ramón Jiménez, Buñuel, Alberti

Chuzame! A Facebook A Twitter

As bruxas da Idade Media: mulleres transgresoras con coñecementos

Novembro 7th, 2016

Na Idade Media, cuando coma hoxe predominaba un modelo social masculino, o saber das bruxas supoñía unha ameaza para o poder masculino, por iso foron  perseguidas e condenadas ás fogueiras.

A filósofa mexicana especialista en ciencia e xénero, Norma Blázquez Graf, na súa obra El retorno de las brujas,  explica que as mulleres sempre xeramos coñecemento, a pesar de sernos negado o acceso á educación superior, practicamente até os inicios do séc. XX . Afirma que, na Europa medieval, as mulleres (bruxas, meigas) sabían de anatomía, de botánica, de sexualidade e de reprodución; eran parteiras, alquimistas, perfumistas, nodrizas ademais de cociñeiras. As súas receitas para curar foron consideradas demoníacas porque cuestionaban o saber nomeadamente eclesiástico e, polo tanto, o poder masculino. O coñecemento que estas mulleres tiñan arredor da reprodución e da sexualidade, así como do uso de plantas abortivas, implicaba exercer unha sexualidade máis libre, e esta puña en risco a hexemonía masculina. En consecuencia, foron destruídas a través do lume purificador nas fogueiras.

Por outra banda, estas mulleres valíanse por si mesmas, vivían soas, independentes, xeraban os seus propios recursos, non dependían dos homes. Eran transgresoras.

FONTE: VADEMEDIUM

Chuzame! A Facebook A Twitter

Onde estamos as mulleres? Cal é o noso papel?

Outubro 12th, 2016

Chuzame! A Facebook A Twitter

8 de marzo. Día da muller traballadora

Marzo 8th, 2016

LEANDRO LAMAS, MatruskasO Día Internacional da Muller recoñece ás mulleres correntes como artífices da historia e afunde as súas raíces na loita secular da muller por participar na sociedade en pé de igualdade co home. Na antiga Grecia, Lisístrata empezou unha folga sexual contra os homes para poñer fin á guerra; na Revolución Francesa, as parisienses que pedían liberdade, igualdade e fraternidade marcharon cara a Versalles para esixir o sufraxio feminino.

En 1857, morreron queimadas nun incendio, nunha fábrica textil de Nova York, 192 mulleres que facían folga para reclamar unha xornada laboral de 10 horas. Desde entón o Día Internacional da Muller, orixinalmente coñecido como Día Internacional da Muller Traballadora, é conmemorado cada 8 de marzo, nun primeiro momento para reclamar o sufraxio feminino e dereitos laborais para as traballadoras, posteriormente para loitar contra a guerra e, hoxe en día, é recoñecido pola ONU como unha xornada para reivindicar a igualdade e para facer balance sobre a situación das mulleres na sociedade.

Hoxe as reivindicacións non cesan: o mundo avanza pero non para as mulleres: ablación do clítoris, desigualdade laboral, desemprego, malos tratos por parte dos seus compañeiros…

A ONU

Baixo o lema «POR UN PLANETA 50-50 EN 2030: DEAMOS O PASO PARA A IGUALDADE DE XÉNERO», o secretario xeral, Ban Ki-moo, neste 8 de marzo de 2014, sostén:

Adiquemos un financiamento sólido, un valente labor de promoción e unha férrea vontade política para acadar a igualdade de xénero en todo o mundo. Non hai ningún outro maior investimento no noso futuro común.

O 8 de marzo a ONU reflexionará sobre cómo acelerar a Axenda 2030 para o desenvolvemento sostible. Tamén se centrará nos novos compromisos dos gobernos baixjo a iniciativa «Deamos o paso pola igualdade de xénero» .

Algúns dos obxectivos clave da Axenda 2030:

  • Coidar de que todas as nenas e  nenos acaben os ciclos de ensino primario e secundarioa; ensino que será gratuito, equitativo e de calidade
  • Coidar de que todas as nenas e  nenos teñan acceso a servizos de atención na primeira infancia
  • Poñer fin a todas as formas de discriminación contra todas as mulleres e as nenas en todo o mundo
  • Eliminar todas as formas de violencia contra todas as mulleres e as nenas nos ámbitos público e privado, incluídas a trata e a explotación sexual
  • Eliminar todas as prácticas nocivas, como o matrimonio infantil, precoz e forzado e a mutilación xenital femenina.

A Marcha Mundial das Mulleres

En 1995 a Federación de mulleres do Quebec organizou unha primeira Marcha das mulleres na que participaron 850 mulleres que marcharon durante 10 días para reivindicar  a xustiza económica. Na meta final foron acollidas por 1500 persoas. Despois deste éxito xurdiu a idea de realizar unha Marcha Mundial das Mulleres no ano 2000. O 8 de Marzo do 2000 formalizouse o lanzamento da primeira Acción internacional en Xenebra, que culminou no palacio das Nacións Unidas en Nova York. En consecuencia, a Marcha Mundial das Mulleres é un movemento mundial de accións feministas que reúne grupos de mulleres e organizacións que actúan para eliminar as causas que orixinan a pobreza e a violencia contra las mulleres. Dende entón miles de mulleres mobilizáronse a través de accións internacionais, nacionais e rexionais,  en torno á loita pola xustiza económica, o cambio político e social e os dereitos reprodutivos das mulleres, incluíndo a despenalización do aborto.

A Marcha Mundial das Mulleres na Galiza reclama:

Respéctame
 as miñas diferenzas, os meus desexos, a miña sexualidade, a miña historia, a miña capacidade de decidir, de pensar, de traballar, de gozar; de decidir sobre a miña vida , a miña sexualidade, as miñas amizades, os meus estudos, o meu traballo; sen imposicións, sen malos tratos, sen discriminacións, sen violencia, sen estereotipos, sen sexismo, sen machismo,…

PARA SABER MÁIS:

RECURSOS:

LEANDRO LAMAS. Mulleres abrazadas.

ACTIVIDADES:

Chuzame! A Facebook A Twitter

No Curtas.Gal adiantamos o 8 de marzo e presentamos A muller e o mar

Marzo 1st, 2016

Chuzame! A Facebook A Twitter

Mulleres

Novembro 22nd, 2015

Desde fins do séc. IX, distintas mulleres procedentes de diferentes territorios e estratos sociais ( Isabel, princesa de Aragón e raíña de Portugal; nobres francesas: a nobre Bríxida de Suecia; a cruzada galega María Balteira; a peregrina galega a Xerusalén Guncina González…) convertéronse en peregrinas, afastándose das súas comunidades de orixe en dirección aos santuarios cristiáns máis importantes: Xerusalén, Roma e Santiago de Compostela.

Esas mulleres rachan cos estereotipos da muller da Idade Media, pois fronte á imaxe da esposa submisa, ligada ao fogar, a presenza de mulleres aventureiras, que se botaron aos camiños e mesmo que desde Galicia chegaron a participar nas Cruzadas, sitúanos diante dunha visión da sociedade medieval ben distinta á que sempre se nos transmitiu.

Os trobadores galego-portugueses deron conta destas peregrinaxes nas súas cantigas, nacidas da reelaboración da “canción de muller”, que fusionaron cun motivo real e concreto, a peregrinación, creando unha nova peregrina, unha romeira, única na lírica medieval europea.
 Pero esta visión dunha muller libre, independente, aventureira… romeira, contrasta poderosamente co estereotipo, forxado na sociedade medieval e que chega aos nosos días, das mulleres como seres fisicamente fráxiles, moralmente débiles e intelectualmente incapaces, cuxo estatus social debe estar subordinado ao dos homes. Desde entón, moi especialmente a partir das cantigas de Alfonso X,  xurdiron dous modelos antagónicos de muller: Eva (parella de Adán) e Ave (Virxe María).
FONTE:
Chuzame! A Facebook A Twitter

8 de marzo cada día do ano

Abril 10th, 2012

Hoxe non é 8 de marzo, pero as mulleres seguimos a ser borradas da Historia. Deberíamos agardar ao vindeiro 8 de marzo para denuncialo, para reclamar os nosos dereitos, a nosa condición de iguais ao home, a nosa condición común de seres humanos, de persoas, independentemente do noso sexo ou da nosa orientación sexual; teremos que agardar ao 2013 para loitar?

A canle arxentina, Canal Encuentro, presentou un ciclo  no que Eduardo Galeano, xenial escritor uruguaio, expón a súa particular visión do mundo. Galeano relata textos seleccionados da súa obra para mostrar a súa ollada sobre a Historia, os Homes, as Mulleres, os Nenos, a Arte, os Amores… o Fútbol.

A pregunta á que debemos responder, ou sobre a que Galeano nos propón que reflexionemos é que futuro estamos a construír?

Ollade este vídeo do ciclo LA VIDA SEGÚN GALEANO, correspondente ao capítulo 1º, MULLERES

 

Reflexionade agora sobre as seguintes cuestións…

  • Quen dixo que foran homes os que realizaron as pinturas rupestres nas cavernas prehistóricas, e non mulleres?

Os Homes que escribiron a Historia! Pero, que pasaría se a Historia a tivesen escrito as Mulleres?

  • Quen dixo que fora Eva a que nacera dunha costela de Adán? Quen dixo que Eva collera a mazá que lle ofrecera a serpe no Paraíso? Quen dixo que Eva tiña que parir con dor? Quen dixo que Eva debería someterse ao dominio do seu home?

Adán, contou desde a súa perspectiva! Pero que tería contado Eva?

  • Quen dixo que San Xosé quería ter un neno e non unha nena?

Os evanxelistas que escribiron a Biblia! Pero que contarían sobre o nacemento de Cristo as santas cristiás, se tivesen elas escrito a Biblia?

  • Quen dixo que a muller estaba suxa polo sangue da menstruación?

Os homes que mandaban no mundo cristián. Se puidesen falar e cantar, as mulleres dirían (como Hildegarda) que o sangue suxo é o das guerras (que fan os homes…).

  • Por que non falamos de  mulleres na Historia? Por que case non falamos de artistas femininas até a Idade Contemporánea?

Porque foron os homes os  que escribiron esa Hitoria a imaxe e semellanza deles mesmos…

GRAZAS, MANEL, POLA FONTE!

Chuzame! A Facebook A Twitter

8 de marzo, DÍA DA MULLER

Marzo 8th, 2012

 

 

  A miña voz, compañeiras,
non naceu para afastar.
Se non fose por vosoutras,
como ía camiñar?

Miña irmá, miña irmá, miña amiga,
tan igual a min e tan distinta,
dáme a man e faremos cordada,
ven comigo, miña camarada,
dáme a man e faremos cordada,
ven comigo, miña camarada.

A miña voz, compañeiras,
tráioa para partillar.
Se non fose por vosoutras,
como ía camiñar?

Miña irmá, miña irmá, miña amiga,
tan igual a min e tan distinta,
dáme a man e farémonos grandes,
temos xuntas a forza dos mares.
Dáme a man e farémonos grandes,
temos xuntas a forza dos mares.

A voz das miñas amigas
Dame folgos pra avanzar.
Se non fose por vosoutras,
como ía camiñar?

Miña irmá, miña irmá, miña amiga,
tan igual a min e tan distinta,
todas xuntas non temos fronteira,
ven comigo, miña compañeira.
Todas xuntas non temos fronteira,
ven comigo, miña compañeira.

Miña irmá, miña irmá, miña amiga,
tan igual a min e tan distinta,
dáme a man e faremos cordada,
ven comigo, miña camarada,
todas xuntas non temos fronteira,
ven comigo, miña compañeira.

 LETRA: YOLANDA CASTAÑO

MÚSICA: TRADICIONAL

INTÉRPRETES: LEILÍA

AGASALLO: ISA

 

Entrevista Teresa Moure from cig-ensino on Vimeo.

PARA SABER MÁIS: Materiais e recursos para as aulas (CIG-ensino)

Chuzame! A Facebook A Twitter